×

धादिङमा उम्मेदवार सिफारिस गर्ने क्रममा काङ्ग्रेस - काङ्ग्रेसबीच खुकुरी हानाहान 



लाङटाङ खबर 

२०७८, चैत २३ बुधबार 

  नेपाली कांग्रेस धादिङमा टिकट विवाद चरम अवस्थामा पुगेको छ । जिल्लामा कतै कुटाकुट भएको छ भने कतै खुकुरी हानाहान भएको छ । मंगलबार राति उम्मेदवार सिफारिसको विवादमा असन्तुष्ट पक्षले कांग्रसका नेता तथा खनियावास गाउँपालिकाका अध्यक्ष रणबहादुर तामाङमाथिद आक्रमण गरी नाक फुटाइदिए छन ।

जिल्ला प्रहरी कार्यालय धादिङका प्रवक्ता जागेश्वर भण्डारीका अनुसार कर्यकर्ताले नाक फुटाइदिएका तामाङको अवस्था सामान्य रहेको छ । उहाँले घटनामा संलग्न भएको अभियोमा एक जना पक्राउ परेको पनि जानकारी दिनुभयो । घाइते गाउँपालिका अध्यक्षले भने पार्टीकै नेता राजु पाख्रिनको समूहले आक्रमण गरेको आरोप लगाउनु भएको छ । पाख्रिनले आफ्नो भान्जालाई टिकट दिन दबाब दिएको तर नमानेछि आक्रमण भएको उहाँले बताउनु भयो ।उहाँले राति ८ बजेतिर गोली समेत चलेको दाबी गर्नुभएको छ । तामाङले आफ्नो नाक फुटाइदिने र गोली चलाउनेहरूकोविरूद्धमा जिल्ला प्रहरी कार्यालयमा उजुरी दिने बताउनु भयो । मंगलबार नै धादिङबेसीमै उम्मेदवार सिफारिसको विषयमा निलकण्ठ नगरपालिकामा पनि खुकुरी हानाहान भएको छ ।जिल्ला सभापति रामनाथ अधिकारी र निलकण्ठका मेयर भिम ढुंगाना पक्षबीच खुकुरी हानाहान भएको हो । सो क्रममा तीन जना घाइते भएका छन । सोक्रममा दिपक अधिकारी, धनबहादुर कार्की र नकुल वस्ती घाइते हुनुभएको छ ।

 

सम्बन्धित खवर